ازاااي تاخدوا حقكم م البنات ؟؟؟
او بمعني ادق شويه
> ازاي تحرق دمهم وتفرسهم ؟؟
بص ياباشا منك ليه
العملية فى منتهى السهولة و سيتم عرضها من خلال عدة مواقف متتالية و الله المستعان .
و ربنا يقدرنا على فعل الخير دايما
اذا كنت م شفتهاش من زمان و قابلتها صدفة
و بتسالك انت عامل ايه .. ازى احوالك ؟
ترد بمنتهى السماجة
انتى مش شايفانى فرحان و سعيد انى قابلتك اهو
ااقوم ارقصلك يعنى؟
ولما ترد و تقول خلاص انا اسفة
ترد و تقول شىء طبيعى
لو كنت ماشى فى الشارع و عدت قدامك واحدة حلوة طبعا من الزوق و الادب انك
تعاكسها بمنتهى الغتاتة او على الاقل خالص لو طالبه معاك احترام
ترش عليها ميه
لو كنت فى عرابيتك و عدى من جنبيك عربية و فيها بنت حلوة افضل باصص ليها و
متنح و لما تسالك انت بتبصلى كده ليه شد على الخامس و نفضلها بقرف .
لو اتصلت بواحد و النمرة طلعت غلط .. و ردت عليك واحدة و قالتلك النمرة غلط
من الطبيعى جدا انك ترد عليها بلطافه
و تقولها انا اسف اصل صوتك شبه صوت احمد بالظبط.
لو ماشى مع بنت جميلة جدا و بتسالك عن رايك فى شكلها قولها
انتى هااااااااااايلة يا حياتى بس لو فيه منك على حريمى
كنتى تبقى هايله اكتر
(اللى مفهمهاش ميسالنيش)
لو عايز تغتت اكتر و اكتر على اى بنت فى الشارع
و قف اى بنت واسالها الساعة كام ؟؟
هتقولك مثلا : الساعة 4.30
بص فى ساعتك و اتعصب كده !!
وقولها الساعة بتاعتك مش مظبوطه ع فكره !
لو نفسك تمشى مع بنت فى كليتك و كانت جاية تطلب منك حاجة للمرة الاولى فى حياتها
(والطريقة فعاله وشغاله قبل كده)
هتنادى عليك
- فــؤاد .... ممكن لو سمحت......
- بصلها و متضحكش فى و شها و بعدين دير وشك تانى و نفضلها خالص و لا كانك شفتها قبل كده
طبعا و شها هيبقى شبه الطمطماية لكنها بعد كده هتروح تشتكيك لزميلاتها و تقول عليك
انك ماعندكش دم و لا ذوق.... و.و ......و......
> مش مشكله .. عااادي .. اتقل عليها <
و فاجاة روح كلمها عادى و لا كان حاجة حصلت.
هتحتار فيك .. و تعجب بيك.... و يمكن تحبك.....
لو انت فى محل ودخلت بعديك بنت طبعا من الزوق انك تقول للبياع خلص الانسة الاول !
البياع لسة بيجيبلها الحاجة قوله : ماتخلصنى انا
بقالى ساعة قدامك و بعدين بتمشى الانسة ليه انا جى قبلها
(طبعا اعمل حسابك ان البقال هيضربك باى حاجة فى ايده)
> مش مشكله <
المهم ان الزبونه تتضايق .. وضغطها يعلا !
لو انت مع بنت و هتركبوا تاكسى و غيران عليها و خايف للسواق يقعد يبصلها فى المراية
طبعا اتصرف على الفور و قعدها جنبه و اقعد انت ورا
لو انت مصاحب بنت جدعة قوى و بتقف معاك فى كل المواقف المنيلة اللى بتحصلك .
و اخر موقف انك نايم على السرير بعد ما انضربت من شوية شباب كانوا بيعاكسوها و انت عملت فيها احمد عرابى ....
امسك ايديها برومانسية و بص فى عنيها و لو لابسة نضارة ماتبصش وقولها: انا مش عارف ارد جمايلك دى كلها ازاىمن يوم معرفتك
لما سقط السنة اللى فاتت و قفتى جنبى... و لما اتثبت و اتسرقت هدومى و فلوسى و قفتى جنبى .....و لما ابويا مات وقفتى جنبى ......
مش عارف ليه يا حياتى حاسس انك فقر و نحس عليا
وع الجايبني!
لو صاحبتك كانت فى رحلة وورتك صورة متصوراها جنب قفص القرود مثلا و بتسالك عن رايك فى الصورة الجنان دى؟؟؟
قولها: هو انتى ياحببتي مين فيهم-
واقفه فين فـ القفص ؟؟
لو كنت ماشى مع بنت و شفت شاب بيبوس ايد حبيبته (رومانسية طبعا.. وولد جنتل قوى يعنى)
و تقوم قايلالك م بتعملش زيه ليه ؟
رد عليها و قولها : واعمل زيه ازاى و انا ماعرفش البنت اللى ماشي معاها
> ولا حتى معايا رقم فونها <
/\
لو بتسالك وهي غيرانه
( انا عرفت انك ماشى مع بنت تانية غيرى اسمها دعاء.. و حتى شعرها اصفر)
رد و قولها
لا و الله ابدا
انا ماشى مع بنت خمرية و وكمان شعرها اسمر
مش اصفر ولا حاجه
لو قالتلك اى بنت مش بزمتك انا مش مالية عليك حياتك
قولها: ايوة بس لو ماكنتش عرفتك كانت محفظتى هي اللي هتفضل مليانة..
الأحد يوليو 12, 2009 3:31 am
